Qazaqstan Úndistan men BAÁ saıahatshylary úshin trendtik destınatsııaǵa aınaldy
«Qazaqstan jyl saıyn túrli nomınatsııalarda atalyp ótiledi. Bıyl Almaty qalasy The New York Times jarııalaǵan «Saıahattaýǵa turarlyq 52 jer» qataryna endi. Al Wanderlust redaktsııasynyń pikirinshe, Qazaqstan 2024 jyly saıahattaýǵa arnalǵan TOP-24 destınatsııalarǵa kirdi. Condé Nast Traveller Italia Qazaqstandy álemdegi TOP-5 taý shańǵy destınatsııalarynyń qataryna engizdi», - dep atap ótti mınıstrlikten agenttiktiń resmı saýalyna oraı.
Vedomstvo málimetinshe, 2023 jyly Dúnıejúzilik týrıstik uıymy Qazaqstannyń Saty aýylyn úzdik týrıstik aýyl dep tanydy.
«Qazaqstan Versatile Excellence Travel Awards marapatynda TravelScapes nusqasy boıynsha Úndistan men BAÁ saıahatshylary úshin trendtik destınatsııaǵa aınaldy. Al Kazakhstan - Like Never Before beınerolıgi Portýgalııadaǵy ART&TUR kınofestıvalinde birden «Úzdik destınatsııa – el» jáne «Úzdik jarnamalyq naýqan» nomınatsııalarynda úzdik dep tanyldy», - dedi mınıstrlikten.
Resmı jaýapqa qosa berilgen aqparatqa sáıkes, Qytaıdan keletin týrıster sany 20 ese (2022 jyly 17,7 myń adamnan 2023 jyly 367,4 myń adamǵa deıin), Úndistannan 3 ese (2022 jyly 28,3 myń adamnan 2023 jyly 78 myń adamǵa deıin), Ońtústik Koreıadan 2,5 ese (2022 jyly 15,8 myń adamnan 2023 jyly 35,6 myń adamǵa deıin), Qatardan 2 ese (2022 jyly 500 adamnan 2023 jyly 1000 adamǵa deıin adam), Germanııadan 50 paıyz (2022 jyly 57 myń adamnan 2023 jyly 85 myń adamǵa deıin), BAÁ-den 50 paıyz (2022 jyly 6,5 myń adamnan 2023 jyly 10,5 myń adamǵa deıin) ósti.