Qazaqstan UQShU-nyń Mınskide ótetin birlesken sessııalaryna qatysatynyn rastady

<p>Qaýipsizdik Keńesiniń Hatshysy Ǵızat Nurdáýletov Ujymdyq qaýipsizdik týraly shart uıymynyń (UQShU) Bas hatshysy Imanǵalı Tasmaǵambetovpen kezdesý ótkizdi, dep habarlaıdy Kazinform.</p>

Aqorda málimetine súıensek, kezdesý barysynda Ǵızat Nurdáýletov pen Imanǵalı Tasmaǵambetov UQShU-nyń jaýapkershilik aımaǵyndaǵy qazirgi jaǵdaı týraly pikir almasty, sondaı aq Uıym aıasyndaǵy yntymaqtastyqtyń negizgi baǵyttaryna qatysty aýqymdy máselelerdi qarastyrdy.

«UQShU Bas hatshysy Imanǵalı Tasmaǵambetov bıyl qarashada Belarýs Respýblıkasynda ótetin UQShU Ujymdyq qaýipsizdik keńesiniń sessııasyna jáne Uıymǵa qarasty Syrtqy ister mınıstrleri keńesiniń (SІMK), Qorǵanys mınıstrleri keńesiniń (QMK) jáne Qaýipsizdik keńesteri hatshylary komıtetiniń (QKHK) birlesken otyrysyna daıyndyq barysy týraly málimet berdi.

Qazaqstan Qaýipsizdik Keńesiniń Hatshysy Mınskide ótetin UQShU-ǵa qarasty SІMK, QMK jáne QKHK-niń kezekti birlesken otyrysyna qatysatynyn rastady», – delingen aqparatta.