Qazaqstan UQShU-daǵy seriktesterimen ózara is-qımyldy damytýdy maqsat etedi – Erlan Qoshanov
Іs-sharaǵa Armenııany qospaǵanda, UQShU-ǵa múshe elderdiń zań shyǵarýshy organdarynyń ókilderi qatysýda. Qazaqstandyq delegatsııany QR Parlamenti Májilisiniń tóraǵasy Erlan Qoshanov basqarady.
Erlan Qoshanov óz sózinde bul kezdesý geosaıası jaǵdaıdyń buryn-sońdy bolmaǵan shıelenisýi jaǵdaıynda ótip jatqanyn atap ótti. Halyqaralyq qaýymdastyqtyń kúsh-jigerine qaramastan, Taıaý Shyǵystaǵy jaǵdaı óte shıelenisti kúıde qalyp otyr jáne halyqaralyq qaýipsizdikke aıtarlyqtaı áser etýde.
- Qazaqstan atysty dereý toqtatýdy jáne barlyq taraptardyń Palestına-Izraıl qaqtyǵysyn beıbit jolmen sheshýdi izdeýin jaqtaıdy. Biz Taıaý Shyǵys daǵdarysyn retteý tek BUU Qaýipsizdik Keńesi bekitken «eki halyqqa eki memleket» formýlasy negizinde júzege asyrylýy kerek ekenine senimdimiz, - dedi Erlan Qoshanov.
Ol Qazaqstannyń Palestına halqyna 1 mıllıon dollar aýdarǵanyn, sondaı-aq gýmanıtarlyq kómek jibergenin aıtyp ótti.
- Aýǵanstandaǵy jaǵdaı da bizdiń kóz aldymyzda. Biz UQShU-daǵy seriktesterimizdiń dástúrli qaýip-qaterlerdiń salystyrmaly túrde joǵary deńgeıine qatysty alańdaýshylyqtaryn bólisemiz, onyń ishinde esirtkiniń zańsyz aınalymy, qarý-jaraqtyń, transshekaralyq qylmys pen zańsyz kóshi-qonnyń ósýi jáne osy syn-qaterlermen birlesip kúresýge daıynbyz. Jalpy, Qazaqstan ujymdyq qaýipsizdikti qamtamasyz etý salasyndaǵy áriptestermen ózara is-qımyldy jalǵastyrýdy maqsat etip otyr. UQShU Parlamenttik Assambleıasy olardyń múddelerin eskere otyryp, UQShU-ǵa múshe memleketterdiń ulttyq zańnamasyn ázirleýge jáne úılestirýge eleýli úles qosady dep esepteımiz, - dep atap ótti Erlan Qoshanov.
Otyrys barysynda zamanaýı syn-qaterler men qaýip-qaterlerge qarsy kúrestiń jańa tásilderin ázirleý jáne UQShU aıasyndaǵy yntymaqtastyqty damytý maqsatynda qujattar qabyldanady.