Qazaqstan Úkimetiniń kontsessııalyq jobalar boıynsha tóleıtin mindettemeleri artady

<p>ASTANA. KAZINFORM &ndash; Qazaqstan Úkimetiniń kontsessııalyq jobalar boıynsha tóleıtin mindettemeleriniń jalpy somasy 510 mlrd 967 mln 321 myń teńgeden 528 mlrd 266 mln 411 myń teńgege (+17 mlrd teńge &ndash; red.) artady. Úkimet qaýlysynyń jobasynda túzetý usynylǵan.</p>

«Valıýtalyq ótemaqyny eskere otyryp, boljamdy (qoljetimdilik úshin tólemdi túzetýdi esepke almaǵanda kontsessııa shartynyń talaptarynda kózdelgen) qoljetimdilik úshin tólenetin tólemniń jalpy bazalyq somasy 528 266 411 (bes júz jıyrma segiz mıllıard eki júz alpys alty mıllıon tórt júz on bir myń) teńge bolady. Onyń ishinde ınvestıtsııalyq shyǵyndardyń ótemaqysy – 184 mlrd 986 mln 612 myń teńge. Ótemaqy paıdalaný shyǵyndary – 28 mlrd 451 mln 490 myń teńge, basqarǵany úshin syıaqy – 317 mlrd 828 mln 309 myń teńge», - delingen qujatta.

Buǵan teńgeniń dollarǵa shaqqandaǵy baǵamy qubylýy sebep bolǵan. Kontsessııalyq jobalarmen baılanysty memlekettik mindettemelerdiń merzimi 2037 jylǵa deıin jalǵasatynyn aıtý kerek. Zań boıynsha valıýta táýekeliniń ótemaqysy teńge men dollardyń aıyrbas baǵamy ózgergen jaǵdaıda naqty formýla boıynsha túzetilip otyrady.