Qazaqstan Úkimeti sý tasqynyn boljaý úshin batımetrııalyq zertteýlerge qarajat bóldi

<p>ASTANA. KAZINFORM - Sý tasqyny kezeńine daıyndyq jónindegi Prezıdent tapsyrmalaryn iske asyrý sheńberinde Úkimet rezervinen batımetrııalyq zertteýler júrgizýge shamamen 576 mln teńge bólindi. Tıisti qaýlyǵa QR Premer-Mınıstri Oljas Bektenov qol qoıdy.&nbsp;<strong data-entity-type="MessageEntityBold">&nbsp;</strong></p>

Bólingen qarajat Sý resýrstary jáne ırrıgatsııa mınıstrligine arnalǵan. Qarjylandyrýdyń negizgi bóligi jabdyqtar men tehnıkalyq jaraqtardy satyp alýǵa, sondaı-aq zertteýler júrgizý jónindegi qyzmetterge baǵyttalatyn bolady. 

Atap aıtqanda, qarajatty «Qazsýshar» ShJQ RMK «Sý metrologııa» fılıalyna tikeleı elimizdiń soltústik, batys jáne ortalyq óńirleriniń sý tasqyny qaýpi bar ýchaskelerine batımetrııalyq túsirilim júrgizýge baǵyttaý josparlanyp otyr. 

Respýblıkalyq mańyzy bar sý qoımalaryna batımetrııalyq zertteý júrgizýdi qosa alǵanda, jumystar 2025 jyly jalǵasady. Alynǵan derekter QR Tsıfrlyq damý, ınnovatsııalar jáne aeroǵarysh ónerkásibi mınıstrligi men «Qazaqstan Ǵarysh Sapary» UK» AQ-ǵa sý tasqynyn boljaý jáne modeldeý aqparattyq júıesine engizý úshin beriletin bolady.