Qazaqstan Úkimeti munaıdyń eksporttyq kedendik baj salyǵyn ózgertýdi josparlaýda

ASTANA. QazAqparat - Qazaqstan Úkimeti munaıdyń eksporttyq kedendik baj salyǵyn ózgertýdi josparlaýda. Bul týraly búgin Astanada QR Energetıka mınıstrligi munaı ónerkásibi departamentiniń dırektory Qýandyq Qulmurzın málim etti. 

"EKBS boıynsha qaýly memlekettik organdarmen kelisildi jáne Premer-Mınıstrdiń keńsesine joldandy: munaıǵa - 60 dollar, mazýt pen vakýýmdyq gazoılǵa - 60 dollar. Eki qaýly da engizildi. Daýys berý 10 naýryzǵa belgilendi, barlyǵy eshqandaı eskertýlersiz ótedi dep senemiz. Sodan keıin qaýly jarııalanysymen ol kúshine enedi", - dedi ol.