Qazaqstan úkimeti elimizdegi aýǵan azamattaryna qalaı kómektesip jatyr
19:18, 23 Jeltoqsan 2021
NUR-SULTAN. QazAqparat - Aýǵanstandaǵy sońǵy oqıǵalarǵa baılanysty Qazaqstan úkimeti elimizde qalǵan Aýǵanstan azamattarynyń máselesin sheshýge belsendi qatysyp jatyr, dep habarlaıdy QazAqparat.
Halyqaralyq quqyq pen QR ulttyq zańnamasynyń qaǵıdalaryn ustana otyryp, QR ІІM kóshi-qon qyzmeti komıteti Qazaqstannyń joǵary oqý oryndarynda oqıtyn 155 aýǵan stýdentine oqý vızasyn berdi jáne uzartty.
Adam quqyqtary jónindegi ýákil men kóshi-qon jónindegi halyqaralyq uıymnyń qatysýymen ekonomıkalyq kómekke muqtaj 204 aýǵan stýdentine, onyń ishinde osy jyly oqýyn bitirgen stýdentterge gýmanıtarlyq kómek kórsetildi.
Aktsııa Almaty, Shymkent, Qaraǵandy, Óskemen jáne Nur-Sultan qalalarynda ótkizildi.