Qazaqstan Úkimeti ekonomıkany «jasyldandyrýǵa» bıznesti tartýy qajet - sarapshy

NUR-SULTAN. QazAqparat - Qazaqstan Úkimeti ekonomıkany «jasyldandyrýǵa» bıznesti tartýy qajet. Mundaı pikirdi HІІ Astana ekonomıkalyq forýmy aıasynda «Dena» kompanııasynyń basqarýshy dırektory Krıstına Haverkamı bildirdi, dep habarlaıdy QazAqparat tilshisi.

«Úkimet jasyl ekonomıkaǵa jeke bıznesti tartýy tıis. Olarǵa kómek qoldaý qajet. «Jasyl» startaptar bul saladaǵy yntymaqtastyq úshin jeli qurýǵa kómektesedi. Máselen, biz jyl saıyn ekologııa salasyndaǵy úzdik jobalarǵa syılyq taǵaıyndap, búkil álemge ıdeıalarymyzdy taratý úshin festıvalder ótkizemiz», - degen ol Qazaqstannyń shıkizattyń ekonomıkadan ártaraptandyrylǵan ekonomıkaǵa kóshýge áleýeti óte joǵary ekendigin aıtty.

Al «Máskeý energetıka ınstıtýty» ulttyq zertteý ýnıversıtetiniń zerthana meńgerýshisi Evgenıı Gasho Qazaqstannyń EKSPO-2017 kórmesin ótkizý arqyly myqty ekologııalyq serpilis jasaǵanyn málim etti. Biraq, tolyq «jasyl» ekonomıka panatseıa emestigin eskertti.

«Bul - panatseıa emes, bul jańa jaǵdaıda jańa rezervterdi damytý. Reseıde eń úzdik qoljetimdi tehnologııalyq ıdeıalar men prıntsıpterdi júzege asyrýǵa 5 jyl ketti. Ol ónerkásiptik, ekologııalyq jáne energetıkalyq saıasattyń tyǵyz aralasýy arqyly Eýropa men Azııaǵa qaraǵanda ózgeshe júrgizildi»,- dedi ol.