Qazaqstan UEFA-nyń koeffıtsıentter reıtınginde eki satyǵa joǵarylady

ASTANA. QazAqparat - Qazaqstan Konferentsııa lıgasy pleı-off satysyndaǵy qarymta oıyndardan keıin UEFA-nyń koeffıtsıentter reıtınginde 34-orynǵa kóterildi, dep habarlaıdy QazAqparat tilshisi.

Koeffıtsıent birqatar talaptar negizinde quralady. Aǵymdaǵy maýsymnyń ortasha máni (jınaǵan upaılardyń jalpy sany eýromaýsymǵa qatysqan qaýymdastyq klýbtarynyń sanyna bólinedi) jáne aldyńǵy tórt maýsymnyń nátıjeleri esepteledi.

Koeffıtsıentter teń bolǵan jaǵdaıda aldyńǵy maýsymdaǵy joǵary koeffıtsıentke baılanysty joǵary orynǵa jaıǵasady.

Qazaqstan UEFA-nyń jańartylǵan koeffıtsıentter reıtınginde 36-orynnan 34-orynǵa kóterildi.

Eske salsaq, Konferentsııa lıgasy toptyq satysynda elimizdiń atynan «Astana» klýby oıyn kórsetedi. Olar pleı-off satysynda albanııalyq «Partızanı» klýbyn eki oıynnyń nátıjesimen 2:1 (1:0, 1:1) esebimen súrindirdi.

Condaı-aq, «Astana» komandasynyń Konferentsııa lıgasy toptyq kezeńdegi qarsylastary anyqtaldy.

Al qostanaılyq «Tobyl» jarystyń atalǵan satysynda Chehııanyń «Vıktorııa Plzen» klýbyna (jalpy esep – 1:5) jol berdi.

UEFA koeffıtsıentter reıtıngi kestesi:

1. Anglııa - 89.178 (2.250)

2. Ispanııa - 75.989 (2.562)

3. Italııa - 71.712 (2.428)

4. Germanııa - 69.767 (2.500)

5. Nıderland - 55.100 (3.800)

6. Frantsııa - 52.331 (1.750)

7. Portýgalııa - 48.316 (3.000)

8. Belgııa - 38.400 (4.000)

9. Túrkııa - 32.850 (6.250)

10. Shotlandııa - 31.650 (2.000)

32. Irlandııa - 10.875 (1.500)

33. Kosovo - 10.791 (2.250)

34. Qazaqstan - 10.750 (2.375​)

35. Armenııa - 10.625 (2.250)

36. Latvııa - 10.625 (1.625)

Sondaı-aq bıyl Konferentsııa lıgasynda synǵa túsken qazaqstandyq «Aqtóbe» jáne «Ordabasy» týrnırdiń túrli satysynda jarys jolyn aıaqtady.