Qazaqstan tuıyqtalǵan otyn tsıklin paıdalansa, ózin-ózi birneshe júz jyl otyn resýrsymen qamtamasyz etedi - V.Shkolnık
Bul týraly búgin VIII Astana ekonomıkalyq forýmynyń «Eýrazııalyq energetıkalyq, sý jáne tranzıttik áleýetiniń turaqty damýy» atty sessııasynda QR Energetıka mınıstri Vladımır Shkolnık aıtty.
«Qazaqstan - energetıkalyq resýrstary jetkilikti el. Munaı, gaz jáne ýrandy qosa alǵanda óndiriletin bazalyq otyndyq resrýstardyń jıyntyq kólemi 35 mlrd. tonnany quraıdy. Aǵymdaǵy jyldyq energetıkalyq resýrstardyń óndirilý kólemi 400 mln. tonnaǵa jetedi. Buǵan qosa, elimizde jylyna 60 mln. tonna ǵana energetıkalyq resýrs tutynylady», - dedi mınıstr.
Onyń atap ótýinshe,elimizde barlanǵan otyn qory 90-100 jylǵa jetkilikti.
«Al eger tuıyqtalǵan otyn tsıklin paıdalanylatyn bolsa, onda Qazaqstan balama energııa kózderin paıdalanbaı-aq birneshe júzdegen jyl ózin-ózi otyn resýrsymen qamtamasyz ete alady», - V.Shkolnık.