Qazaqstan týyn ustap shyqqan Ekaterına Aıdova Olımpıadany júldesiz aıaqtady

NUR-SULTAN. QazAqparat - Búgin Beıjiń Olımpıadasynyń segizinshi kúni qazaqstandyq atletter jarysty aıaqtady, dep habarlaıdy QazAqparat tilshisi.

Qazaq sportshylarynan búgin sońǵy bolyp jarys jolyna konkıshi Ekaterına Aıdova shyqqan bolatyn.

Konkımen júgirýden áıelder arasynda 500 metr qashyqtyqta synǵa túsken ol muz aıdynynda qytaılyq Taıbeıden kelgen Hýan ıÝ-Tınmen juptasyp júgirdi.

Jerlesimiz ekeýara jarysta máre syzyǵyn 38,54 sekýnd kórsetkishimen birinshi bolyp keskenimen jalpy esepte júldegerler qatarynan kórine alǵan joq.

Eske sala keteıik, Ekaterına Aıdova short-trekshi Abzal Ájǵalıev Olımpıada oıyndarynyń saltanatty ashylý rásiminde Qazaqstan quramasynyń tý ustap shyqqan bolatyn.

Abzal Ájǵalıev búgin short-trekten 500 metr qashyqtyqta fınalda synǵa túsip, jalpy esepte Olımpıda oıyndaryn 4-orynmen aıaqtaǵan bolatyn.

Bul - qazaqtstandyq sportshylardyń qazirge deıingi eń joǵarǵy kórsetkishi.

Sondaı-aq, short-trek sheberlerimizdiń jalpy Olımpıada oıyndaryndaǵy eń úzdik kórsetkishi.