Qazaqstan tutynýshylary ulttyq lıgasy Dúnıejúzilik tutynýshylar kúnine oraı baspasóz máslıhatyn ótkizedi
17:44, 13 Naýryz 2010
ASTANA. Naýryzdyń 13-i. qazAqparat - Naýryzdyń 15-inde Qazaqstan tutynýshylary ulttyq lıgasy Dúnıejúzilik tutynýshylar kúnine oraı 2009 jyldyń qorytyndysy boıynsha baspasóz máslıhatyn ótkizedi. Bul aqparatty atalǵan lıganyń baspasóz qyzmeti taratyp otyr.
Baspasóz máslıhaty barysynda Qazaqstan naryǵyna túsetin ónimder týraly shynaıy, obektıvti aqparattar taratý problemasy qozǵalmaq. Sonymen qatar QTUL músheleri tutynýshylardyń quqyǵyn qorǵaý barysynda ózderi utqan sot otyrystary jaıynda da keńinen baıandamaq.