Qazaqstan túrmelerinde destrýktıvti mazmundaǵy ádebıetter tabyldy

ASTANA. QazAqparat - Elimizdiń bas bostandyǵynan aıyrý oryndarynyń barlyq kitaphana qoryndaǵy materıaldarǵa saraptama júrgizildi. Bul jaıynda búgin QR Din isteri jáne azamattyq qoǵam mınıstri Nurlan Ermekbaev málim etti, dep habarlaıdy QazAqparat.

«Dinı materıaldardyń taralýyna vedomstvoaralyq monıtorıng jolǵa qoıyldy. Internette anyqtalady jáne sodan keıin baryp quqyqqa qaıshy mazmuny bar materıaldar boıynsha sáıkesinshe sharalar qabyldanady. Bul jumystar Bas prokýratýramen, Aqparat jáne kommýnıkatsııalar qyzmetimen birge júrgizilýde», - dedi ol mınıstrliktiń jumys nátıjesine arnalǵan qoǵakmdyq keńes otyrysy barysynda.

Onyń aıtýynsha, ótken jyly mınıstrlik 11 myńǵa jýyq saıttyń materıaldaryn zerdelegen.

«Onyń ishinde shamamen 1,5 myńy zańsyz arandatýshylyq kontentte boldy jáne sot tártibimen jabyldy. Jyl boıynda 3 myńnan astam kitap jáne baspa ónimderi nysany saraptamadan ótkizildi. Onyń ishinde 98 materıal quqyqqa qaıshy kontentti qamtıdy dep tanyldy. Qylmystyq-atqarý júıesiniń, ıaǵnı bas bostandyǵynan aıyrý oryndarynyń barlyq kitaphana qoryndaǵy materıaldarǵa da saraptama júrgizildi. Nátıjesinde destrýktıvti mazmundaǵy 13 kitap anyqtaldy», - dedi Ermekbaev.