Qazaqstan túrmelerinde destrýktıvti dinı aǵymdarǵa qatysy bar 484 adam otyr

ASTANA. QazAqparat – Qylmystyq atqarý júıesi komıteti tóraǵasynyń orynbasary Meıram Aıýbaev eldegi túzetý mekemelerinde destrýktıvti dinı aǵymdarǵa qatysy bar 484 adamnyń otyrǵanyn málim etti, dep habarlaıdy QazAqparat tilshisi.

Senat otyrysynan keıin BAQ ókilderi Meıram Aıýbaevtan qylmystyq atqarý júıesinde destrýktıvti dinı aǵymdardyń sany qalaı ózgerip jatqanyn surady.

«Ekstremıstik, terrorıstik qylmys úshin sottalǵandardyń sany qazir azaıyp keledi. 343 adam degende, bul - ekstremıstik, terrorıstik qylmys jasaǵany úshin sottalǵandar. Olarǵa jalpy qylmys jasap sottalǵan, biraq ekstremıstik ıdeologııa ustanatyndardy qossaq, 484 bolady. Sonda bizde eki esep bar: taza ekstremıstik, terrorıstik qylmyspen sottalǵandar bar jáne jalpy Qylmystyq kodekstiń ártúrli baptarymen sottalǵandar bar. Biraq olardyń sany ekstremıstik qlymys jasap sottalǵandardan asyp túspeıdi. Jalpy ekstremıstik, terrorıstik qylmys jasap sottalǵandar ósimi baıqalyp otyrǵan joq», - dedi komıtet tóraǵasynyń orynbasary.