Qazaqstan túrmelerinde 500-ge tarta shetel azamaty jazasyn óteýde
«Shetel túrmelerinde jazasyn ótep jatqan Qazaqstan azamattary bar. Kóbi TMD elderinde. Sany shamamen 200-den asady. Sol sekildi bizdiń eldegi túrmelerde jazasyn ótep jatqan 500-den asa shetel azamaty bar. Kóbi Reseı, Qyrǵyz Respýblıkasy men Ózbekstan azamattary. Jalpy memleketter arasyndaǵy quzyrly organdardyń ózara sharttary jumystyń oń nátıjesin berip jatyr. Jýyrda ǵana Dýbaıdan bir azamatymyzdy ekstradıtsııaladyq. Ispanııa eli de qylmys jasaǵan bir azamatymyzdy bizge ustap berdi. Qazir tergeý júrip jatqandyqtan, olardyń qandaı qylmyspen ustalǵanyn aıta almaımyn», - dedi Bas prokýrordyń orynbasary Marat Ahmetjanov Senat qabyrǵasynda tilshilerdiń suraǵyna jaýap bere otyryp.
Aıta ketsek, Senat qabyrǵasynda búgin Brazılııamen Qazaqstan arasynda qylmystyq ister boıynsha quqyqtyq kómek, tulǵalardy ustap berý jáne sottalǵan azamattarmen almasý týraly zań jobasyn ratıfıkatsııalaý máselesi qaralyp, Parlamenttiń keńeıtilgen otyrysyna engizý týraly sheshim qabyldandy.