Qazaqstan Túrkııanyń BUU-ǵa joldaǵan hatyna qol qoıdy

<p>ASTANA. KAZINFORM &ndash; Túrkııa BUU-ǵa 52 memleket pen eki halyqaralyq uıymnyń Izraılge qarý embargosyn engizý týraly úndeýi bar hat joldady.</p>

Anadolu Ajansı agenttiginiń habarlaýynsha, buǵan deıin Túrkııa Syrtqy ister mınıstri Hakan Fıdannyń usynysy boıynsha BUU-da Izraılge qarý-jaraq pen oq-dárilerdi satýdy toqtatý máselesine halyqaralyq qaýymdastyqtyń nazaryn aýdarý maqsatynda birlesken úndeý bastamasy kóterilgen bolatyn. 

Bastama Izraılge qarý-jaraq pen oq-dári satýdy toqtatý arqyly basyp alynǵan Palestına aýmaqtarynda, ásirese Gaza sektorynda Izraıldiń halyqaralyq quqyqty, sonyń ishinde halyqaralyq gýmanıtarlyq quqyq pen adam quqyqtaryn buzýynyń aldyn alýdy kózdeıdi.

Hatta Gaza sektoryn qosa alǵanda, basyp alynǵan Palestına jerlerinde, sondaı-aq Lıvanda jáne Taıaý Shyǵystyń basqa aımaqtarynda zorlyq-zombylyq pen halyqaralyq quqyqtyń buzylýynyń kúsheıýine tereń alańdaýshylyq bildirilgen.

Úndeýde Izraıl áreketteriniń saldarynan qurban bolǵan beıbit turǵyndar, negizinen áıelder men balalar sany kún saıyn artyp otyrǵany atap ótildi. Bul qaýipti tendentsııany toqtatý úshin shuǵyl sharalar qabyldaý qajettiligi kórsetilgen.

Hat 1 qarashada BUU-nyń Bas hatshysy Antonıý Gýterrıshke, qarashada BUU Qaýipsizdik Keńesine tóraǵalyq etetin Ulybrıtanııaǵa jáne BUU Bas Assambleıasynyń tóraǵasy Fılımon ıAngqa jiberildi.

Túrkııa Tel-Avıvtiń aımaqtaǵy, Izraılge oq-dárilerdi jetkizýdi dereý toqtatýdy halyqaralyq qaýymdastyqtyń zańdy mindeti jáne moraldyq boryshy dep sanaıdy.

Hatqa qol qoıǵan elder: Túrkııa, Palestına, Bahreın, Bangladesh, Birikken Arab Ámirlikteri, Bolıvııa, Brazılııa, Brýneı-Darýssalam, Býrkına-Faso, Aljır, Djıbýtı, Qytaı Halyq Respýblıkasy, Indonezııa, Marokko, Gambııa, Ońtústik Afrıka Respýblıkasy, Irak, Iran, Katar, Qazaqstan, Qyrǵyzstan, Kolýmbııa, Komor araldary odaǵy, Kýveıt, Kýba, Lıvııa, Lıvan, Maldıv araldary, Malaızııa, Meksıka, Mysyr, Mavrıtanııa, Namıbııa, Nıgerııa, Nıkaragýa, Norvegııa, Pákistan, Reseı, Sent-Vınsent jáne Grenadın araldary, San-Tome jáne Prınsıpı, Senegal, Somalı, Sýdan, Saýd Arabııasy, Chılı, Týnıs, Oman, Iordanııa, Venesýela, Vetnam, Iemen jáne Zımbabve.

Sondaı-aq qujatqa Arab memleketteri lıgasy (AML) men Islam yntymaqtastyǵy uıymy (IYU) qol qoıdy.

Osyǵan deıin OPEK+ segiz múshesi munaı óndirýdi erikti túrde qysqartý merzimin bir aıǵa uzartqany týraly jazǵan edik.