Qazaqstan Túrkııaǵa áskerı maqsattaǵy ónimderdi eksporttaıtyn bolady
Baspasóz málimetterine qaraǵanda, Túrkııa Respýblıkasynyń Stambýl qalasynda ótken qorǵanys salasynyń «International Defense Industry Fair 2019» 14-shi halyqaralyq kórmesiniń nátıjesinde qazaqstandyq delegatsııa osyndaı kelisimge qol jetkizdi.
QR Tsıfrlyq damý, qorǵanys jáne aeroǵarysh mınıstrliginiń kásiporyndar qurylymyna enetin «Qazaqstan Aselsan ınjınırıng» JShS («Qazaqstan Injınırıng» JShS) Túrkııa Respýblıkasyna optıkaelektrondyq quraldardy eksporttaý jóninde shart jasasty. Budan ózge, kompanııa túrik kásipornymen Qazaqstan Respýblıkasynyń aýmaǵynda tikushaqtarǵa arnalǵan elektrondyq qurylǵylar keshenin jańalaý jóninde memorandýmǵa qol qoıdy.
Qazaqstandyq delegatsııa halyqaralyq kórme aıasynda sheteldik áriptesterimen 20-dan astam túrli kezdesýler ótkizdi. Atap aıtqanda, kooperatsııa, ınvestıtsııalar men jańa jobalardy tartý sheńberinde birlesken jobalardy qurý máseleleri túrkııalyq «MKEK» jáne «Aselsan» arasyndaǵy, sondaı-aq «TAI» kompanııasymen birlesken jańa jobany júzege asyrý týraly kelissózder júrgizý barysynda talqylanǵan taqyryptardyń ózegi boldy.
Kezdesýler nátıjesinde taıaýda túrkııalyq bes kompanııanyń qorǵanys salasynda birlesken jobalardy júzege asyrýdyń tehnıkalyq tetikterin aıqyndaý maqsatynda Nur-Sultan qalasyna arnaıy kelýi josparlanǵan.
Bıylǵy «International Defense Industry Fair 2019» kórmesine Qazaqstan alǵash ret Tsıfrlyq damý, qorǵanys jáne aeroǵarysh ónerkásibi mınıstrligi, Qorǵanys mınıstrligi jáne otandyq qorǵanys ónerkásibi kesheniniń kásiporyndarynan quralǵan úlken delegatsııamen qatysty. Delegatsııany Tsıfrlyq damý, qorǵanys jáne aeroǵarysh ónerkásibi birinshi vıtse-mınıstri Talǵat Janjúmenov basqardy. Qazaqstandyq qorǵanys ónerkásibi kesheniniń ónimderi halyqaralyq kórmede bir ulttyq ekspozıtsııa retinde usynyldy jáne sheteldik áriptester men seriktester tarapynan úlken qyzyǵýshylyq týdyrdy.
Otandyq qorǵanys ónerkásibi kásiporyndary ónimderinen quralǵan bir ulttyq ekspozıtsııa aldaǵy ýaqytta «MILEX-2019» (Belarýs Respýblıkasy, Mınsk q.) jáne «ARMIıA-2019» (Reseı Federatsııasy, Kýbınka q.) halyqaralyq kórmelerinde kópshilik nazaryna usynylatyn bolady.