Qazaqstan Túrkııadaǵy zilzala saldarynan Baký-Tbılısı-Djeıhan baǵytymen munaı eksporttaı almaı otyr

ALMATY. QazAqparat- «Teńizshevroıl» Túrkııadaǵy jer silkinisi saldarynan Baký-Tbılısı-Djeıhan (BTD) baǵyty boıynsha munaı eksportyn bastaı almady. Bul týraly BAQ ókildermen kezdesýi barysynda TShO bas dırektory Kevın Lıon málim etti, dep habarlaıdy QazAqparat tilshisi.

«Qazir biz «QazMunaıGaz» kompanııasymen arnaıy baǵytty anyqtaý maqsatynda jumys istep jatyrmyz. Óıtkeni Teńizden temirjol arqyly munaı jóneltiledi. Ókinishke oraı, Túrkııada bolǵan zilzala ınfraqurylym nysandary men Djeıhan termınalyna áser etti. Qazirgi ýaqytta bizde synaq jóneltilimderin iske qosý múmkindigi joq, sondyqtan marshrýt áli iske qosylǵan joq. Bul baǵytta munaı tasymaldaý múmkindigi týǵan sátte birden synaqtan ótkizemiz», – dedi ol.

Buǵan deıin, 2023 jyldyń 1 qańtarynan bastap Qazaqstan «Baký-Tbılısı-Djeıhan» qubyry arqyly munaı jóneltiletini týraly jazǵan edik.