Qazaqstan túrkitildes elder arasyndaǵy jaryq juldyz - sarapshy
Onyń atap ótýinshe, Qazaqstan táýelsizdiginiń 25 jyldyǵy ishinde úlken jetistikterge qol jetkizdi. Bul jetistikterdiń eń basty kórsetkishi Qazaqstannyń BUU Qaýipsizdik keńesiniń quramyna kirýi, sonymen qatar jańa tehnologııalar salasyndaǵy tabystary men EKSPO halyqaralyq mamandandyrylǵan kórmesin uıymdastyrýy bola alady.
«Men Prezıdent Nursultan Nazarbaevtyń Joldaýymen tyńǵylyqty tanysyp shyqtym jáne bul Joldaýdyń el damýynyń strategııasy, barlyǵy úshin jumys jospary sanalatyndyǵyn nyq senimmen aıta alamyn. Onda damýdyń 5 naqty qadamy anyq jazylǵan. Bul strategııany álemdi jaqsy biletin jáne óz halqyn tabysqa jeteleıtin adam jazǵan. Bul rette tirek núktesi - qazaq halqynyń birligi men tutastyǵy. Bizge belgili bolyp otyrǵandaı, Qazaqstan 100-den astam ult ókilderi turatyn kópultty el sanalady jáne Qazaqstan Prezıdenti búkil halyqtyń beıbit ómir súrýi syndy tabysqa qol jetkizip otyr. Al bul óte tamasha kórsetkish ekendigi sózsiz», - dedi Sh.Aıtmatov atyndaǵy «Manas» qyrǵyz-túrik halyqaralyq ýnıversıtetiniń prezıdenti, professor Sebahattın Baljı.
«Manas» ýnıversıtetiniń rektory óz aldyna álemniń barynsha damyǵan 30 eliniń qataryna qosylý maqsatyn qoıyp otyrǵan Qazaqstannyń basqa túrki elderi arasynda jaryq juldyzdaı erekshelenip turatyndyǵyn basa aıtty.