Qazaqstan týrızmin damytýǵa baǵyttalǵan halyqaralyq ekspedıtsııa aıaqtaldy

NUR-SULTAN. QazAqparat – Týrızmdi damytýǵa baǵyttalǵan «Jibek Joly – dıalog joly» atty halyqaralyq ekspedıtsııa óz saparyn aıaqtady, dep habarlaıdy QazAqparat primeminister.kz saıtyna silteme jasap.

Búgin elordada ekspedıtsııasynyń aıaqtalýyna oraı «QazaqGeography» respýblıkalyq qoǵamdyq birlestigi alańynda baspasóz konferentsııasy ótti.

Jıynda «Kazakh Tourism» ulttyq kompanııasy» AQ tóraǵasynyń orynbasary T. Dúısenǵalıev, ekspedıtsııa jetekshisi Á. Ahmedjanov, ekspedıtsııa qatysýshylary: saıahatshy jáne «Nomad 4X4» kompanııasynyń negizin qalaýshy Q. Saǵynaev, «Habar 24» telearnasyndaǵy «Darhan dala» avtorlyq jobasynyń júrgizýshisi J. Rahmet, QazaqGeography aqparattyq jaryqtandyrý jónindegi bas menedjeri A. Jumataeva sóz sóıledi.

Ekspedıtsııa quramy kelesi baǵyt boıynsha júrip ótti: Almaty qalasy – ÚAK – Esik – Sharyn – Kólsaı – Qaraqol – Káji-Saı – Tokmok – Sýýsamyr – Talas – Taraz – Aqmeshit úńgiri – Saýran – Túrkistan – Arystanbab – Otyrar – Shymkent – Tashkent – Samarqan – Qazyǵurt – Merke – Tańbaly – Almaty qalasy.

Jobanyń negizgi maqsaty – ekspedıtsııa kezinde týrıstik nysandardy tizbekteý, ınfraqurylymdy jaqsartý boıynsha usynystar engizý jáne jańa týrıstik baǵyttardy qurý arqyly ishki jáne syrtqy týrızmniń áleýetin damytý, sondaı-aq transshekaralyq marshrýttardy damytý.

Ekspedıtsııa quramy Qazaqstan, Qyrǵyzstan jáne Ózbekstan baǵytynan turatyn 13 kúndik ekspedıtsııada boldy. Qatysýshylar quramy bilikti jýrnalıst, fotograf, telearnalar túsirilim toby, týrıstik blogerler men týroperatorlardan turdy. Sapardyń nátıjesi boıynsha elimizdiń tabıǵı nysandarynan jańa týrıstik baǵyttar, sapaly foto-jáne vıdeobankter quryldy. Olardyń qazirgi jaǵdaıy týraly ózekti aqparat alynyp, ıllıýstratsııalanǵan jolnusqa jasaldy. Bul aqparat kórshiles Qyrǵyzstan, Ózbekstan jáne otandyq týroperatorlarǵa beriletin bolady.

Atalmysh ekspedıtsııa «Rýhanı jańǵyrý» baǵdarlamasy aıasynda Qazaqstannyń mádenı-geografııalyq obektileriniń týrıstik áleýetin paıdalaný mindetin tolyq júzege asyrylýyna edáýir úles qosatyndyǵyn atap ótken jón. Sonymen qatar, Elbasynyń «Uly dalanyń jeti qyry» maqalasynda da alǵa qoıylǵan mindetterdi oryndaýǵa yqpal etedi.

«Jibek Joly – dıalog joly» halyqaralyq ekspedıtsııa 20 tamyz kúni Almatydan saparǵa attanǵanyn buǵan deıin habarlaǵan bolatynbyz.