Qazaqstan týrızm salasyndaǵy halyqaralyq syılyqqa ıe boldy

<p>ASTANA. KAZINFORM &ndash; Kazakh Tourism kompanııasy Saýd Arabııasy, BAÁ, Serbııa, Ońtústik Koreıa, Ońtústik Afrıka, Taıland jáne Irlandııa elderiniń operatorymen birge Uzakrota Travel Awards syılyǵyn ıelendi.</p>

Kazakh Tourism taratqan málimetke sensek, bul syılyq eldiń halyqaralyq týrıstik arenadaǵy bedelin arttyrýǵa qosqan úlesi úshin beriledi.

Bul syılyq nomınattarǵa Túrkııanyń Ystambul qalasynda ótken Uzakrota Travel Summit 2024 halyqaralyq sammıti kezinde tabystalǵan. Jalpy is-sharada 40 atalym boıynsha jyl saıynǵy marapattar tabystalǵan.

Uzakrota Travel Awards týrızm men saıahat salasyndaǵy teńdessiz jetistikterdi baǵalap, dáripteýdi kózdeıtin halyqaralyq bastama bolyp esepteledi. Bul syılyq 2010 jyldan beri berilip keledi. Qazaqstan bıyl birinshi ret osy syılyq jeńimpazy atanǵan.