Qazaqstan týrıstik baǵyttar tiziminde 119 el arasynan 52-orynǵa shyqty
Týrızm salasyndaǵy jańa bastamalar týraly Býrabaı aýdanyndaǵy «Discovery Borovoe» qonaq úıinde QR Týrızm jáne sport mınıstri Ermek Marjyqpaev Aqmola oblysynyń bıznes-qoǵamdastyǵymen kezdesý barysynda aıtty. Jıynda jazǵy týrıstik maýsymǵa daıyndyq máselesi pysyqtaldy.
«Jýyrda Dúnıejúzilik ekonomıkalyq forýmnyń Saıahat jáne týrızmdi damytý boıynsha jarııalanǵan reıtınginde Qazaqstan týrıstik baǵyttar tiziminde 119 el arasynan 52-oryndy ıelendi. Qazaqstan Ázerbaıjan (56), Ózbekstan (78), Qyrǵyzstan (102) sııaqty elderdi basyp ozyp, Ortalyq Azııadaǵy eń joǵary kórsetkishke ıe boldy», — delingen habarlamada.
Aımaqtaǵy taǵy bir mańyzdy baǵyttyń biri — aýyl turǵyndaryn jumyspen qamtı otyra, agrotýrızm salasyn damytý.
«Qarjylandyrylǵan jobalardyń nátıjesin qaraıtyn bolsaq, durys baǵytta kele jatqanymyzǵa kóz jetkizýge bolady. Bul sharalar óńirdiń odan ári ósip-órkendeýine oń áser etetinine senimdin», — dedi QR Týrızm jáne sport mınıstri Ermek Marjyqpaev
Týrızm jáne sport mınıstri Aqmola oblysynda týrızmniń barlyq salasy damyp kele jatqanyn, onyń ishinde óńir emdeý-saýyqtyrý, rekreatsııalyq jáne tabıǵı-landshaftyq týrızm ortalyǵyna aınalǵanyn atap ótti. Azamattar men týrıster arasynda qaýipsizdikti saqtaý da óte mańyzdy dúnıe ekeni aıtyldy.