Qazaqstan týrıstik baǵyttar boıynsha álemdik tizimde 52-shi orynda tur

<p>ASTANA. KAZINFORM — Seısenbi kúni Dúnıejúzilik ekonomıkalyq forým jarııalaǵan saıahat pen týrızmdi damytý esebinde Qazaqstan týrıstik baǵyttar tiziminde 52-orynǵa ıe boldy.</p>

Qazaqstan densaýlyq saqtaý jáne gıgıena, baǵa, týrızm men saıahattyń áleýmettik-ekonomıkalyq áseri sanattary boıynsha joǵary baǵa aldy.

Qazaqstan Ortalyq Azııadaǵy eń joǵary reıtıngke ıe elge aınaldy.

Ózbekstan 78-shi orynda tur,

Sondaı-aq eldiń 2019-2024 jyldar aralyǵynda joǵary ósim kórsetkeni atalyp ótti.

AQSh tizimde birinshi orynǵa, Ispanııa ekinshi orynǵa, Japonııa úshinshi orynǵa jaıǵasqan.

119 el men aımaqty baǵalaǵan reıtıngte Frantsııa tórtinshi orynda, odan keıin Aýstralııa besinshi orynda ornalasqan.

Eske sala keteıik, taıaýda ǵana Kazakh Turism basshysy Qaırat Sádýaqasov Jibek Joly telearnasynyń «Ýáde» baǵdarlamasyna bergen suhbatynda Qazaqstandy álemdik týrızm ortalyqtary reıtınginde úzdik elýlikke kirgizýge ýáde bergen bolatyn.