Qazaqstan týrıstik derjavalardyń qataryna kirýge umtylmaq
Otyrysta Qazaqstan Respýblıkasynyń týrıstik salasyn damytýdyń 2019-2025 jyldarǵa arnalǵan memlekettik baǵdarlamasy jobasyn tanystyrǵan mınıstrdiń aıtýynsha, qujat AQSh, Kanada, Frantsııa, Ispanııa, Túrkııa, Arab Ámirlikteri syndy 10 týrıstik derjavaǵa kirýge múmkindik beretin 10 strategııalyq sharany qamtıdy.
«Olardyń tolyq júzege asyrylýy orasan zor áleýmettik-ekonomıkalyq nátıje beredi. Atap aıtqanda, jumyspen qamtylǵandar sany 427 myńnan 650 myń adamǵa deıin artady, onyń shamamen 72 myńy - shalǵaıdaǵy aýyldyq jerlerde turaqty jumys oryndary. Bul Memleket basshysynyń «Nur Otan» partııasynyń XVIII sezinde bergen tapsyrmasyna tolyq sáıkes keledi. Munda Qazaqstannyń barlyq halqynyń shamamen 40 paıyzy 7,5 mln adam turady», - dedi ol.
Mınıstrdiń dereginshe, joba júzege asyrylǵannan keıin el ekonomıkasyna 2 myń dollardan qaldyratyn sheteldik týrısterdiń sany 5 mln, al ishki týrısterdiń sany 10 mıllıondy quraıdy. Josparlanǵan 2 trln teńgeniń 70 paıyzyn jeke ınvestıtsııalar salady. Eldiń JІÓ qurylymyndaǵy týrızmniń úlesi 9,6 mlrd AQSh dollarynan 16 mlrd AQSh dollaryna deıin ósedi.
«Memlekettik baǵdarlama eldiń týrıstik salasyna memlekettik bıýdjetten táýeldiliktiń tolyq aýytqýyn qamtamasyz etedi jáne bıznes pen ınvestorlardyń belsendi qatysýy esebinen salany ózin-ózi aqtaıtyn relsterge shyǵarady. Nátıjesinde Qazaqstan saıahat úshin tartymdy 50 eldiń qataryna kiredi», - dedi mınıstr.