Qazaqstan Túrikmenstanǵa transformatorlardy tolyq kólemde jetkizýge nıetti
Ashhabadtaǵy ulttyq stendte Qazaqstannyń bes iri kásiporny kórsetilgen: Aqtóbe munaı qurylǵylary zaýyty, Alageum Electric, KEMONT, Qazaqstan elektr symy ortalyǵy jáne KRS Oil and Gas.
«Túrikmenstan munaıy men gazy» kórmesi» bul eldiń iri mamandandyrylǵan kórmesi. Qazirgi ýaqytta Túrikmenstan munaı jáne gaz qorymen bizdiń óńirimizdegi meılinshe perspektıvaly naryqtardyń biri sanalady. Munaı qurylǵylaryn óndirýshi retinde bizdiń búgingi kórmege qatysýymyz iskerlik qyzyǵýshylyǵymyzdy arttyrdy. Eki apta buryn ǵana KAZAKH INVEST-tiń yqpalymen Tıýmende ótken (Reseı Federatsııasy) osyndaı shara aıasynda 2 mln dollarǵa sorǵysh qarnaq jetkizý týraly kelisim jasaldy. Búgingi shara aıasynda jańa jetistikterge jetemiz dep josparlap otyrmyz», - dedi «Aqtóbe munaı qurylǵylary zaýyty» AQ eksporttyq satylymdar jónindegi bas dırektorynyń orynbasary Berik Moldaǵalı.
Úsh jyldyq úzilisten keıin qazan aıynyń sońynda alǵash ret Túrikmenstan aýmaǵyna transformator jetkizý júzege asyryldy, alaıda ázirge az kólemde. Sol sebepti biz búgin «Túrikmenstan munaı men gazy» kórmesiniń alańyn paıdalanyp, bir kezderi jylyna 1 mln dollarǵa jetken jetkizýlerdi jańǵyrtqymyz keledi. 2016 jyldyń qorytyndysy boıynsha Qazaqstannyń Túrikmenstanmen taýar aınalymy 283,5 mln dollardy quraǵan, olardyń ishinde eksport -39,7 mln dollar, ımport - 214,4 mln dollar jáne ımporttyń basym bóligi tabıǵı gaz, munaı ónimderi. Óz kezeginde Qazaqstan Túrikmenstanǵa kóbinese un, ýyt sirindisin, júk kólikterin, temeki ónimderi, alkogolsiz sýsyndar, barıı sýlfaty jáne fosfat jetkizedi.