Qazaqstan Túrikmenstanǵa 80 taýar pozıtsııasy boıynsha eksportty arttyra alady
«Qazaqstan Túrikmenstanǵa 80 taýar pozıtsııasy boıynsha eksportty arttyra alady. Túrikmen kásipkerleri óz ónimderin bizdiń naryqqa jetkizýdi ulǵaıta alatynyna senimdimin. Biz osy maqsatqa jetý úshin qoldan kelgenniń bárin jasaımyz. Ónimniń sýbsıdııalanǵan jetkizilimin keńeıtý múmkindiginiń bar ekendigin de atap óttik. Perspektıvaly kommertsııalyq kelisimsharttar «Qazaqeksport» saqtandyrý kompanııasynyń eksport jelisi boıynsha iske asyrylýy múmkin», - dedi Qasym-Jomart Toqaev.
QR Prezıdenti 2024 jylǵa deıin ekijaqty yntymaqtastyqty nyǵaıtý jónindegi keshendi baǵdarlamany iske asyrý eki eldiń saýda-ekonomıkalyq seriktestigin tereńdetýge yqpal etetinin bas aıtty.
«Bizdiń maqsatymyz - aldaǵy jyldary ózara saýdanyń 500 mln dollarǵa deıin ósýin qamtamasyz etý. Jáne de jaqyn bolashaqta biz mıllıardtyq mejege de shyǵa alamyz. Ol úshin taýar aınalymyn ulǵaıtý jáne jetkiziletin taýarlar nomenklatýrasyn keńeıtý jónindegi ekijaqty jumys tobynyń qyzmetin jandandyrýdy tapsyrdyq. Bizdiń tapsyrmamyz boıynsha eki eldiń Úkimetteri osy múmkindikterdiń barlyǵyn pysyqtaıdy», - dedi Memleket basshysy.