Qazaqstan túrikmen-aýǵan shekarasynda astyq termınalyn salady

ASTANA. QazAqparat – Qazaqstan túrikmen-aýǵan shekarasynda astyq termınalyn salady. Bul týraly búgin Aqordada Túrikmenstan Prezıdenti Serdar Berdimuhamedovpen kelissózderden keıingi BAQ ókilderine arnalǵan brıfıngide Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Aýyl sharýashylyǵyn yntymaqtastyqtyń taǵy bir ózara tıimdi baǵyty retinde aıqyndadyq. Bul turǵyda qazaqstandyq bıdaıdy túrikmen naryǵyna eksporttaý perspektıvalaryn egjeı-tegjeıli talqyladyq. Túrikmen-aýǵan shekarasynda astyq termınalyn salý josparyna jeke toqtaldyq. Osy maqsatta jobany iske asyrý sharttary men merzimderin talqylaıtyn birlesken jumys toby quryldy. Serdar Berdimuhamedovtiń usynysymen jol kartasy ázirlenetin bolady. Eki eldiń Úkimetteri osy baǵytta belsendi jumys istegen jaǵdaıda barlyq másele oń sheshiledi dep oılaımyn», - dedi Qasym-Jomart Toqaev.

Foto: akorda.kz