Qazaqstan turǵyndary aýa sapasyn Led-ekran arqyly baqylap otyratyn bolady

NUR-SULTAN. QazAqparat - Atmosferalyq aýanyń aǵymdaǵy jaǵdaıy týraly aqparat endi Pavlodar, Ekibastuz, Petropavl jáne Aqtaý qalalarynda Led-ekrannan kórsetiletin bolady.

Bul týraly Ekologııa, geologııa jáne tabıǵı resýrstar mınıstrligi paraqshasynda jarııalady.

«Translıatsııalaý úshin málimetter «Qazgıdromet» RMK aımaqtyq fılıaldarymen «AirKz» mobıldi qosymshasynyń kómegimen usynylyp, ár úsh saǵat saıyn jańartylyp otyrady. Bul joba «Qazgıdromet» RMK, oblystyq ákimdikter men Led-ekrandary bar jekemenshik uıymdardyń qatysýy arqyly múmkin boldy. Pavlodar qalasynda aqparat Sátpaev/Krıvenko, Sátpaev/Toraıǵyrov, Kýtýzov/Estaı kósheleriniń qıylysynda, TJ vokzaly ǵımaratynyń ishinde, Ekibastuz qalasynda Lenına kóshesinde, Aqtaý qalasynda 4 jáne 14 shaǵyn aýdandaryndaǵy ekrandarda, Petropavl qalasynda oqýshylar saraıynyń ekranynda translıatsııalanady»,-delingen habarlamada.

Al kelesi aıda atmosferalyq aýanyń jaı-kúıi týraly aqparatty Aqmola, Qostanaı, Batys Qazaqstan, Shyǵys Qazaqstan, Almaty jáne Jambyl oblystarynyń Led-ekrandarynda shyǵarý josparlanyp otyr. 2020 jyly aýa sapasy týraly málimetterdi Aqtóbe, Atyraý, Qaraǵandy jáne Qyzylorda oblystary menq Nur-Sultan, Almaty, Shymkent qalalarynda ekranǵa shyǵarý kózdelgen.