Qazaqstan turǵyndary alaıaqtarǵa 17 mlrd teńge bergen - Antıkor
11:33, 21 Maýsym 2023
ASTANA. QazAqparat- Qazaqstanda túrli máselelerdi sheshkeni úshin laýazymdy tulǵalarǵa para berýge ıtermeleý jaǵdaılary jáne alaıaqtyq jıilep ketti, dep habarlaıdy QazAqparat.
QR Sybaılas jemqorlyqqa qarsy is-qımyl agenttiginiń baspasóz qyzmetiniń málimetterine qaraǵanda, keıingi úsh jylda Sybaılas jemqorlyqqa qarsy qyzmettiń óndirisinde alaıaqtyq faktileri boıynsha 600-den astam qylmystyq is bolǵan. 313 adam sottaldy.
Qazir Sybaılas jemqorlyqqa qarsy qyzmettiń óndirisinde alaıaqtarǵa, deldaldarǵa jáne para berýge ıtermeleýshilerge qatysty birqatar qylmystyq ister bar.
«Alaıaqtarǵa berilgen aqshalaı qarajattyń jalpy somasy 17 mlrd teńgeden asady»,-delingen habarlamada.