Qazaqstan turǵyn úı qurylysy salasynda Germanııanyń ozyq tájirıbesin zertteýge nıetti - S. Nokın
Bul týraly búgin Májilistegi «Nur Otan» HDP Fraktsııasy janyndaǵy Óńirlik saıasat jáne máslıhattarmen jumys jasaý jónindegi keńestiń otyrysy barysynda Qurylys jáne turǵyn úı-kommýnaldyq sharýashylyǵy isteri agenttiginiń tóraǵasy Serik Nokın málim etti. Esterińizge sala keteıik, keńes otyrysynda «Qoljetimdi turǵyn úı - 2020» baǵdarlamasy jobasy talqylanǵan bolatyn.
«Keshe ǵana men Germanııada is saparda bolyp keldim. Onda atalǵan eldiń turǵyn úı qurylysy salasyndaǵy tájirıbelerdi saraladyq. Sondaı-aq, meniń orynbasarlarym osy maqsatta Reseı Federatsııasynda, Belarýs pen Ýkraına elderinde bolyp, osy elderdiń turǵyn úı qurylysy salasyndaǵy aqparattarǵa qanyǵyp keldi. Bundaı sharalardyń maqsaty - elimizdegi qurylys salýdy arzandatý», - dedi Serik Nokın jıyn barysynda.
Agenttik tóraǵasynyń aıtýynsha, qazirgi tańda sheteldik tájirıbelerdiń barlyǵy saralanyp, onyń ishinde qolaıly dep tabylatyndary tájirıbege alynady. «Árıne, bul memleketter biz úshin múldem bólek elder bolyp tabylady. Sondyqtan da, biz eń aldymen qurylys tehnologııasyn alýǵa nıettimiz jáne osynyń ózi qurylys sapasyn arttyryp, qurylystyń ózindik qunyn tómendetýge de septigin tıgizedi dep oılaımyz», - dep atap ótti agenttik tóraǵasy.
Bul rette S. Nokın TMD elderinde qoljetimdi baspana máselesi Qazaqstandaǵy sekildi memlekettik baǵdarlama sheńberinde shishim taýyp keletinin atap ótti. Bulardyń barshasy saralanýda. Al Germanııa tájirıbesinde qazaqstandyqtardy eń aldymen ozyq tehnologııalar qoldana otyryp, qurylys salý máselesi qyzyqtyrǵan. Agenttik tóraǵasy aldaǵy ýaqytta Germanııa qurylys ınstıtýty mamandarynyń elimizge keletini kútiletinin atap ótti.