ASTANA. KAZINFORM – Qorǵanys mınıstri Rýslan Jaqsylyqov BUU-nyń bitimgerlik mıssııasyna jiberiletin tuńǵysh derbes kontıngentke bıýdjetten qansha aqsha jumsalatynyn aıtty.
«Bul aqshanyń bári bıýdjetke salynǵan. Jalǵyz aıtý kerek dúnıe – bıýdjetke qarý-jaraqty, tehnıkany tasymaldaýǵa qosymsha qarjy salyndy. Shamamen 8 mln dollardaı bolady. Bir jyl boıynda ár áskerı jaýynger aı saıyn 1 myń dollar alyp otyrady», - dedi Rýslan Jaqsylyqov BAQ ókilderiniń suraǵyna bergen jaýabynda.
Aıta keteıik, Parlament qazaqstandyq áskerılerdiń BUU mıssııalaryna qatysý týraly Joldaýyn maquldady.
Esimjan Naqtybaı
16.01.1987j. Monǵolııanyń Baıan-Ólke aımaǵynda týǵan. 1992 jyly Qazaqstanǵa qonys aýdaryp, ShQO, Katonqaraǵaı aýdanynda orta mektepti támamdaǵan. Tilshilik joly ShQO Glýbokoe aýdanyndaǵy "Aq bulaq" gazetinde bastalǵan.