Qazaqstan tóraǵalyǵy barynsha mazmundy ári qyzyqty boldy – Chjan Mın

<p>ASTANA. KAZINFORM &ndash; Qazaqstan ShYU-ǵa tóraǵalyq etken kezinde túrli salada 140-tan astam is-shara uıymdastyryldy. Bul týraly elordadaǵy Táýelsizdik saraıynda Shanhaı yntymaqtastyq uıymy sammıtin qorytyndylaǵan&nbsp; uıym bas hatshysy Chjan Mın aıtty.</p>

«2023 jyldyń shildesinen bastap ShYU-ǵa tóraǵalyq Qazaqstanǵa ótti. Tóraǵalyq etý kezeńinde qazaqstandyq tarap túrli salada 140-tan astam is-shara uıymdastyrdy. Ekonomıkalyq, ınvestıtsııalyq, kóliktik, mádenı-gýmanıtarlyq jáne ekologııalyq aspektilerge basa nazar aýdaryldy. Bizdiń oıymyzsha, Qazaqstannyń ShYU-ǵa tóraǵalyǵy óte mazmundy jáne qyzyqty boldy», - dedi Chjan Mın.

Sonymen qatar ol Astanadaǵy ShYU sammıti óte jemisti ótkenin de basa aıtty.

«Búgingi sammıt ónimdi, syndarly jáne jemisti ótip, uıym qyzmetine jańa serpin berdi jáne onyń tarıhyndaǵy mańyzdy kezeńge aınaldy. Qazaqstan Prezıdenti Qasym-Jomart Toqaevty osy otyrystyń sátti ótýimen jáne jalpy ShYU-ǵa joǵary deńgeıde tóraǵalyq etýimen quttyqtaǵym keledi. Astana sammıtinen keıin tóraǵalyq estafetasyn Qytaı tarapy qabyldady. Qytaı uzaq jyldar boıy uıymnyń damýyna óz úlesin qosyp keledi. Qytaılyq áriptesterge jemisti jáne nátıjeli tóraǵalyq etýdi tileımiz. Biz Tsındao qalasyna 2024-2025 jyldarǵa arnalǵan ShYU-nyń mádenı jáne týrıstik astanasy mártebesiniń berilýin quptaımyz», - dedi Chjan Mın.