Qazaqstan TOP-10 týrıstik nysandaryn ınvestorlarǵa tanystyrady

ASTANA. QazAqparat - Qazaqstannyń TOP-10 týrıstik nysandary І Týrıstik ınvestıtsııalyq forýmda ınvestorlarǵa tanystyrylady. Bul týraly Parlament Májilisindegi Úkimet saǵatynda Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat tilshisi.

«Týrıstıfıkatsııa kartasynyń barlyq TOP-10 nysany, onyń ishinde Balqash, Baıanaýyl, Imantaý-Shalqar kýrorttyq aýmaqtary, Astana jáne ózgeleri boıynsha sheberlik-josparlar ázirlenýde. Halyqaralyq ınvestorlar úshin TOP-10 nysan qazan aıynda Týrıstik ınvestıtsııalyq forýmynda jáne qarashada Petropavlda Qazaqstan men Reseıdiń HV Óńiraralyq yntymaqtastyq forýmynda tanystyrylady», - dedi mınıstr.

Budan buryn habarlanǵandaı, Mádenıet mınıstrligi Qazaqstannyń negizgi týrıstik oryndaryn atady.

Týrızmdi damytý maqsatynda Úkimet tarapynan elimizde osy salaǵa arnalǵan memlekettik baǵdarlama ázirlenip jatyr. Baǵdarlama maqsaty - TOP-10 jáne TOP-50 jobalaryn qurý arqyly óńirler usynystarymen ınfraqurylymdy qamtamasyz etý.

Atap aıtqanda, TOP-10 jobaǵa Balqash pen Alakól jaǵalaýlary, Sharyn shatqaly, Almaty óńiriniń taý klasteri, kóne Túrkistandy qalpyna keltirý, Aşysor týrıstik aımaǵy, Býrabaı, Imantaý-Shalqar jáne Baıanaýyl kýrorttyq aımaqtary, «Kóshpeliler tarıhy» ortalyǵy enip otyr. Vedomstvo málimetine qaraǵanda, TOP-50 týrıstik oryndary men jobalary Qazaqstannyń ár óńirin qamtydy.