Qazaqstan tólqujattardyń jahandyq ındeksinde bir saty kóterildi

AMMAN. QazAqparat – Qazaqstan álemniń «myqty» tólqujattar reıtınginde bir saty joǵary kóterildi, dep habarlaıdy QazAqparat tilshisi Henley Passport Index saıtyna silteme jasap.

Reıtıngte áli de Sıngapýr men Japonııa kósh bastap otyr. Bul elderdiń azamattary COVID-19-ǵa baılanysty ýaqyt shekteýlerin eskermegende 192 memleketke bara alady. Ekinshi oryndy 190 upaımen Germanııa men Ońtústik Koreıa bólisti. Úzdik úshtikti Fınlıandııa, Italııa, Lıýksembýrg jáne Ispanııa 189 upaımen tuıyqtady. Odan ári Avstrııa, Danııa, Nıderlandy jáne Shvetsııanyń tólqujattary 188 upaımen jaıǵasqan. Jaqynda koronavırýsqa qatysty barlyq shekteýlerdi alyp tastaǵan Ulybrıtanııa qazir elder arasynda 187 upaımen 5-shi orynda, AQSh 186 upaımen bir oryn qalys qaldy.

Qazaqstan tólqujattardyń jahandyq reıtınginde 75 ball jınap, bir satyǵa – 70-ten 69-ǵa kóterildi, bul qazaqstandyqtardyń 75 memleketke eleýli shekteýlersiz barý múmkindigin kórsetedi. Belarýs 68 upaımen 77 orynda. Reseı Ýkraınadaǵy áskerı qaqtyǵysqa baılanysty qazirgi reıtıngte 46-dan 49-ǵa túsip qaldy. Reseı pasporty 117 elge vızasyz barýǵa múmkindik beredi. 115 upaımen grýzın pasporty bir saty tómende tur. Ýkraına 143 upaımen 34-shi orynda, Qyrǵyzstan – 81-shi jáne Ózbekstan - 87-shi orynda. Ázerbaıjan - 75-shi, Armenııa - 79-shy orynda.

Tizimdegi sońǵy oryndardy Sırııa, Irak jáne Aýǵanstan ıelendi, olardyń tólqujattary tek 30-dan az memleketke kedergisiz kirýge múmkindik beredi.