Qazaqstan TMD elderine 2,7 mln tonna kómir eksporttady

NUR-SULTAN. QazAqparat – Elimizdegi barlyq jylý elektr ortalyqtary kómir qorymen qamtyldy. Bul týraly «Qazaqstan temir joly «Júk tasymaly» JShS bas dırektorynyń orynbasary Qanat Kóbesov málim etti, dep habarlaıdy QazAqparat tilshisi.

«Bıyl qyrkúıek aıynda temir jol arqyly 8,8 mln tonna tas kómir tasymaldandy. Bul ótken jyldyń osy ýaqytymen salystyrǵanda 3,7% kóp. Sonymen qatar 2,7 mln tonna qatty otyn TMD elderine eksportqa jóneltildi. Al el ishinde 6,1 mln tonna qatty otyn tasymaldandy. Ótken jylǵa qaraǵanda 5,4% ósý baıqalady. Onyń ishinde jylý elektr ortalyqtaryna 5 mln tonna qatty otyn jetkizildi», - dedi Qanat Kóbesov «Samuryq-Qazyna» AQ alańynda onlaın ótken baspasóz máslıhatynda.

Odan bólek, QTJ ókili búginde elimizdiń Jylý elektr ortalyqtary kómir qorymen qamtamasyz etilgenin jetkizdi.

«Búgingi (5 qazan) jaǵdaı boıynsha elimizde jumys istep turǵan 28 JEO-da kómirdiń normatıvtik qory qamtamasyz etilgen. JEO- ǵa kómir jetkizý jumysy táýlik saıyn baqylaýda, ol úshin marshrýttar uıymdastyrylǵan. Sol sekildi júk vagondary da tıisti deńgeıde qamtylǵan», - deıdi ol.

Buǵan deıin «QTJ «Júk tasymaly» JShS bas dırektorynyń orynbasary Qanat Kóbesov kómir jetkizdiń keshigý sebebin atady.