Qazaqstan TMD elderimen saýda-ekonomıkalyq qatynasty jandandyrýǵa yntaly - E.Dosaev

ASTANA. QazAqparat - Qazaqstan TMD elderimen saýda-ekonomıkalyq qatynastardyń damyýyna úles qosýǵa yntaly. Bul týraly QR Ulttyq ekonomıka mınıstri Erbolat Dosaev Máskeýde ótken Ekonomıkalyq keńestiń 64-shi otyrysy sheńberinde 2015 jyly Ekonomıkalyq keńeske Qazaqstannyń Táýelsiz Memleketter Dostastyǵyna tóraǵalyq etý Tujyrymdamasyn tanystyrý rásiminde málimdedi, dep habarlady QR Ulttyq ekonomıka mınıstriliginiń baspasóz qyzmetinen.

Jıynda Erbolat Dosaev QR Prezıdentiniń Memleket basshylary keńesiniń otyrysynda atap ótkenindeı, saýda-ekonomıkalyq qatynasty tereńdetý Qazaqstannyń TMD-ǵa tóraǵalyq etýindegi negizgi maqsatyń biri ekenin atap ótti.

Mınıstr forýmda Qazaqstannyń tóraǵalyq etýindegi basym mindetterdi atady.

E.Dosaevtyń aıtýynsha, «Dostastyqtaǵy senim men ózara túsinistikti nyǵaıtý, TMD keńestigindegi turaqtylyq pen qaýipsizdikti qoldaýǵa baǵyttalǵan bastamalarǵa járdemdesý, kópjaqty yntymaqtastyqtyń ózekti máselelerin sheshýde Uıymnyń rólin arttyrý, erkin saýda aımaǵy týraly sharttyń áleýetin odan ári nyǵaıtý, saýda-ekonomıkalyq qatynastardy tereńdetý, ónerkásipte, energetıkada, kólik jáne kommýnıkatsııa, sondaı-aq ózge de salalardaǵy yntymaqtastyqty jandandyrý, ǵylym, bilim, sport, týrızm, jastar saıasaty salalaryndaǵy baılanysty damytý, mádenı-gýmanıtarlyq baılanystardy nyǵaıtý - Qazaqstannyń tóraǵalyq etýiniń negizgi mindetteri»

Aıta keteıik, búgin Máskeýde TMD Ekonomıkalyq keńesiniń 64-shi otyrysy ótti.

Onyń kún tártibine birqatar baǵyttar boıynsha TMD elderiniń yntymaqtastyǵyn keńeıtý máseleleri engizildi. Sondaı-aq, jıynda bıýdjet-qarjy máseleleri de talqylandy.