Qazaqstan TMD elderi arasynda tikeleı sheteldik ınvestıtsııa tartýdan kósh bastap tur

NUR-SULTAN. QazAqparat – QR Premer-Mınıstri Asqar Mamın ulttyq ınvestıtsııalyq strategııany iske asyrý týraly aıtyp berdi, dep habarlaıdy QazAqparat.

«QR Tuńǵysh Prezıdenti – Elbasy N. Nazarbaev 2017 jylǵy Qazaqstan halqyna Joldaýynda Qazaqstan ekonomıkasyna sheteldik ınvestıtsııalardy tartýdyń jáne óńirdegi ınvestıtsııalar aǵyny boıynsha kóshbasshylyqty saqtaýdyń erekshe mańyzdylyǵyn atap ótti. Úkimet Joldaýda aıtylǵan mindetterdi iske asyrý maqsatynda Dúnıejúzilik bankpen birlesip, 2018-2022 jyldarǵa arnalǵan Ulttyq ınvestıtsııalyq strategııany ázirledi. Strategııa aıasynda 5 negizgi nysanaly kórsetkish jáne olarǵa qol jetkizýge arnalǵan 70 shara aıqyndaldy, olardyń 50-i oryndaldy, 20-sy uzaq merzimdi jáne olar 2022 jylǵa qaraı oryndalady», - dep jazdy Asqar Mamın depýtattyq saýalǵa bergen jaýabynda.

Úkimet basshysynyń aıtýynsha, qazirgi ýaqytta strategııada kórsetilgen 5 kórsetkishtiń tórteýi 2016 jyldyń deńgeıine jetti:

1) ekonomıkanyń shıkizattyq emes sektorynyń negizgi kapıtalyna ınvestıtsııalar kólemi (2018 j. – 141,9 %, 2019 j. – 145 %, 2020 j. – 156,4%);

2) ekonomıkanyń shıkizattyq emes sektorynyń negizgi kapıtalyna syrtqy ınvestıtsııalar kólemi (2018 j. – 132,1 %, 2019 j. – 158,5 %, 2020 j. – 138%);

3) tikeleı sheteldik ınvestıtsııalardyń jalpy aǵyny (TShI) (2018 j. – 113,6 %, 2019 j. – 113,9%);

4) jalpy tikeleı sheteldik ınvestıtsııa kóleminiń JІÓ-ge araqatynasy (2018 j. – 17,7 %, 2019 j. - 17,7%).

«Pandemııadan týyndaǵan álemdik daǵdarys nátıjesinde tikeleı sheteldik ınvestıtsııa aǵynynyń álem boıynsha orta eseppen 35%-ǵa ($500 mlrd) tómendeýi oryn aldy. Ásirese, daǵdarys ótpeli ekonomıkasy bar elderge jaǵymsyz áser etti, ıaǵnı 58%-ǵa tómendedi. Sonymen qatar, Qazaqstanda jalpy tikeleı sheteldik ınvestıtsııalar 30%-ǵa kemidi. Bul rette UNCTAD-tyń álemdik ınvestıtsııalar týraly esebine (2021 jylǵy shilde) sáıkes, Qazaqstan Ortalyq Azııanyń lokomotıvi – TMD elderi men teńizge shyǵa almaıtyn elder arasynda taza tikeleı sheteldik ınvestıtsııalar (TShI) aǵynynyń, sondaı-aq ótpeli ekonomıkalardyń ósýi boıynsha kóshbasshy bolyp otyr»,- dep atap ótti Premer-Mınıstr.

Sonymen birge, Úkimet taza TShI jańa óndiristerdi ashýǵa, patentter satyp alýǵa, kásiporyndardyń qoldanystaǵy kapıtalyn keńeıtýge jáne jańǵyrtýǵa ınvestıtsııalar esebinen qalyptasatynyn habarlady. TShI jalpy aǵyny barlyq amortızatsııalyq aýdarymdardy da kórsetedi.