Qazaqstan TMD Ekonomıkalyq keńesiniń otyrysyn ótkizedi
17:22, 28 Qazan 2022
ASTANA. QazAqparat – 2022 jyldyń sońynda Qazaqstan TMD Ekonomıkalyq keńesiniń otyrysyn ótkizedi. Bul týraly TMD Atqarýshy komıtetiniń tóraǵasy Sergeı Lebedev aıtty, dep habarlaıdy QazAqparat tilshisi.
«Jeltoqsan aıynda Qazaqstannyń tóraǵalyǵymen TMD Ekonomıkalyq keńesiniń otyrysy ótedi. Biz qazir qazaqstandyq dostarymyzben bul otyrysqa daıyndyq júrgizip jatyrmyz. Onyń nátıjeli ári jemisti ótetinine senimdimiz. Odan keıin Qazaqstan Táýelsiz Memleketter Dostastyǵyna tóraǵalyq etý estafetasyn kórshiles Qyrǵyzstanǵa beredi», - dedi S. Lebedev Astanada ótken TMD úkimet basshylary keńesiniń otyrysynan keıingi brıfıngisinde.
Budan buryn habarlanǵandaı, elordada TMD Úkimet basshylary keńesiniń otyrysy ótti.
Bul rette otyrys qorytyndysy boıynsha birneshe qujatqa qol qoıyldy.
TMD elderiniń oıyndary 2023 jyly Belarýs Respýblıkasynda uıymdastyrylmaq.
TMD Úkimet basshylary keńesiniń kelesi otyrysy Sochıde ótedi.