Qazaqstan TMD-da azyq-túlik jetkizýdiń óńirlik haby bolýǵa daıyn – Mınıstr

<p>Qazaqstan TMD boıynsha azyq-túlik jetkizýdiń óńirlik haby rólin atqarýǵa daıyn. Bul týraly QR Aýyl sharýashylyǵy mınıstri Aıdarbek Saparov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«TMD elderindegi agrarlyq sektordyń serpindi damýy nátıjesinde bizdiń azyq-túlik qaýipsizdigimiz belsendi túrde nyǵaıa túspek. Sol sııaqty álemdik azyq-túlik naryǵynda mańyzdy ról atqarýǵa múmkindik beredi. Kóptegen pozıtsııa boıynsha TMD elderiniń álemdik óndiristegi úlesi 10-30%. Mysaly, qant qyzylshasyn óndirý boıynsha 27%, kartop boıynsha 17,5%. Osy oraıda biz aýyl sharýashylyǵy ónimderimen satýdy jáne óńirlerdegi saýdany damyta túsýimiz kerek», - dedi Aıdarbek Saparov.

Mınıstrdiń málimdeýinshe, TMD elderimen agroónerkásiptik keshen ónimderiniń saýda kólemin saqtap qana qoımaı, ulǵaıtý qajet.

«Osy oraıda Qazaqstan azyq-túlik jetkizýdiń óńirlik haby retinde áreket etýge daıyn. Ol úshin elde barlyq qajetti resýrs, ınfraqurylym jáne logıstıka bar. Qytaıdyń azyq-túlik tutynatyn eń úlken naryǵyna kórshi bolý da oń faktor», - deıdi vedomstvo basshysy.

Aıta keteıik, búgin Astanada TMD-ǵa qatysýshy memleketterdiń azyq-túlik qaýipsizdigin qamtamasyz etý salasyndaǵy yntymaqtastyq máseleleri jónindegi mınıstrler konferentsııasy ótip jatyr.