Qazaqstan TMD boıynsha eń baqytty elderdiń úshtigine kirdi

ASTANA. QazAqparat - BUU tapsyrmasy boıynsha Gellap ınstıtýty halyqaralyq baqyt ındeksin jasady. Reıtıngte azamattardyń baılyǵy men ál-aýqaty deńgeıinen bólek ómir súrý uzaqtyǵy men jumyspen qamtylý deńgeıi de eskerildi. Qazaqstan postkeńestik keńistik elderiniń ishinde eń baqytty el úshtigine kirdi.

Zertteýge sáıkes burynǵy KSRO respýblıkalarynyń arasynda eń baqytsyzy Grýzııa (130-shy oryn), Armenııa (127-shi oryn), Ýkraına (111-shi oryn) atandy. Odan ári ret boıynsha Tájikstan, Latvııa, Ázerbaıjan, Qyrǵyzstan, Estonııa, Túrkimenstan ornalasqan. Reseı men Belarýs 64-oryn jáne tıisinshe 59-orynda tur.

Qazaqstan postkeńestik keńistik elderiniń arasynda eń baqytty elder arasynda qurmetti úshinshi orynda tursa, álem boıynsha 54-oryndy ıelengen. Moldava (52-shi oryn), Ózbekstan (44-oryn) azamattary ózderin bizden de baqyttyraq sezinetin bolyp shyqty, dep jazady «Ekspress-K» basylymy.