Qazaqstan tıimdi jáne zamanaýı saıası modelge kóshýde – senator

NUR-SULTAN. QazAqparat – Parmalenttiń birlesken otyrysynda Senat depýtaty Dınar Nóketaeva jańa demokratııalyq normalar tezirek jumys isteýi úshin búkil memlekettik basqarý júıesin qaıta iske qosý qajettigin aıtty, dep habarlaıdy QazAqparat tilshisi.

Senator bul paıymyn «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» QR Zańyn qabyldaý kezinde málim etti.

«Búgin biz qarastyryp otyrǵan Konstıtýtsııaǵa engiziletin túzetýler Memleket basshysy bastamashylyq jasap, dáıekti túrde júrgizip otyrǵan jańartylǵan demokratııalyq reformalardy tıimdi júzege asyrý úshin túbegeıli mańyzǵa ıe. Keıingi úsh jylda demokratııalyq ınstıtýttardy ulǵaıtý úshin úlken jumys atqaryldy. Partııa júıesin damytýǵa, azamattarymyzdyń quqyqtaryn qorǵaýǵa jáne ony iske asyrýǵa baǵyttalǵan zańdar qabyldandy. Alǵashret jergilikti ákimdierdi tikeleı saılaý mehanızmi engizildi. Osy jazda biz aımaqtarda bolyp, azamattarmen pikir almastyq. Bul reformalar qazirdiń ózinde oń nátıje berip, halyqtyń qoldaýyna ıe boldy dep aıtýǵa tolyq negiz bar»,-dedi depýtat.

Senatordyń sózine qaraǵanda, Konstıtýtsııaǵa engiziletin túzetýler bılikti monopolııalandyratyn múmkindikterdi boldyrmaýy kerek.

«Búgin biz jańa, ádiletti Qazaqstandy birge quryp jatyrmyz. Búkilhalyqtyq referendýmda qabyldanǵan konstıtýtsııalyq reforma saıası júıeni sapaly qaıta qurýdyń negizin qalady. Onyń maqsaty – sýperprezıdenttik modelden bas tartý, saıası básekelestikti damytý jáne bılikti monopolııalandyratyn múmkindikterdi boldyrmaý, eldi basqarýǵa azamattardy keńinen tartý. Biraq jańa demokratııalyq normalar tezirek jumys isteýi úshin búkil memlekettik basqarý júıesin qaıta iske qosý qajet. Bil mindetti el Prezıdenti 1 qyrkúıektegi Joldaýynda usynǵan bolashaqtaǵy saılaý sheshýge tıis. Aldaǵy prezıdenttik jáne parlamenttik saılaýdan keıin Prezıdent, jańartylǵan Parlament jáne qalyptasqan Úkimet birtutas saıası paradıgmada birge jumys isteýi mańyzdy. Sondyqtan men depýtattardy Konstıtýtsııaǵa usynylǵan túzetýler men zań jobasyn qoldaýǵa shaqyramyn», - dedi Dınar Nóketaeva.

Vıdeodan alyn ǵ an kadr