ASTANA. KAZINFORM — Qazaqstan tennısten álemdegi reıtıngi boıynsha úzdik elderdiń qataryna kirdi.
Qazaqstan tennıs federatsııasynan málim etkenindeı, Elena Rybakına qazirgi tańda WTA reıtıngisinde 5-orynda tur.
Al Gonkong týrnırinde chempıon atanǵan erler quramasynyń kóshbasshysy Aleksandr Býblık ATP reıtıngisinde búgin 10-satyǵa kóterildi.
Osylaısha, Qazaqstannyń eki birdeı oıynshysy TOP-10-ǵa endi. Mundaı kórsetkishke Qazaqstannan basqa AQSh pen Italııa ǵana qol jetkizgen.
Sonymen qatar Qazaqstan áıelder quramasy Bıllı Djın Kıng kýbogy reıtıngisinde álemdegi úzdik on komandanyń qatarynda keledi.
Kóshbasshy sportshylardyń nátıjeleri, quramalardyń turaqty óner kórsetýi jáne tennıs ınfraqurylymynyń damýy Qazaqstannyń halyqaralyq tennıstegi ornyn nyǵaıtýǵa septigin tıgizip keledi.
Eske sala keteıik, budan buryn Aleksandr Býblıktiń Gonkong týrnırinde top jarǵanyn jazǵan edik.
Sondaı-aq Aleksandr Býblık álemdik reıtıngide alǵash ret TOP-10-ǵa kirdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).