Qazaqstan tennısshileriniń álemdik reıtıngi jarııalandy

<p>Kásipqoı tennısshiler qaýymdastyǵynyń (ATR) jeke jáne juptyq syndaǵy jańartylǵan reıtıngi jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Erler arasynda. Jańartylǵan reıtıngte qazaqstandyq Denıs Evseev alǵash ret álemdegi úzdik 200 tennısshiniń qataryna kirdi. Ótken aptada Valensııadaǵy (Ispanııa) chellendjer jarysynyń jartylaı fınalyna deıin jetken D.Evseev 226-dan birden 197-ge kóterildi. Osylaısha, eń úzdik kórsetkishine qol jetkizgen ol Qazaqstannyń úshinshi raketkasy atandy.

Qazaqstandyq ózge tennısshilerge kelsek, Aleksandr Býblık 32-ornynda qalsa, Beıbit Juqaev 186-dan 188-ge syrǵydy.

Juptyq synda Aleksandr Nedovesov 44-ornyn saqtasa, Andreı Golýbev 61-den 60-qa joǵarylady.

Áıelder arasynda. Elena Rybakına úzdik tórttikte tur, ıÝlııa Pýtıntseva 69-dan 68-ge shyqty.

Juptyq synda Anna Danılına 56-satyda turaqtasa, E.Rybakına 118-den 112-ge, Jibek Qulambaeva 143-ten 144-ke tómendedi.