Qazaqstan tennısshileriniń álemdik reıtıngidegi pozıtsııasy qandaı

ASTANA. QazAqparat – Qazaqstandyq tennısshilerdiń álemdik reıtıngidegi orny anyqtaldy, dep habarlaıdy QazAqparat tilshisi.

Áıelder tennısi qaýymdastyǵy (WTA) jańartqan reıtıngide Qazaqstannyń birinshi raketkasy Elena Rybakına 7-ornynda qalsa, ıÝlııa Pýtıntseva 45-ten 51-ge syrǵydy.

Álem boıynsha úzdik úshtikte burynǵysha Polsha ókili Iga Shventek, belorýssııalyq Arına Sobolenko, amerıkalyq Djessıka Pegýla keledi.

Juptyq synda Anna Danılına 26-dan 27-ge tómendese, E.Rybakına 97-den 95-ke joǵarylady.

Munda alǵashqy eki orynda chehııalyqtar Katerına Sınıakova men Barbora Kreıchıkova tursa, D.Pegýla úshinshi satyǵa kóterildi.

Erler arasynda Aleksandr Býblık jekeleı synda 55-ornyn saqtasa, Tımofeı Skatov 124-ten 122-ge kóterildi.

Serbııalyq Novak Djokovıch pen ıspanııalyq Karlos Alkarastan keıin reseılik Danııl Medvedev úshinshi orynǵa shyqty.

Juptyq synda Bosnııadaǵy týrnırdiń fınalyna deıin jetken Aleksandr Nedovesov 72-den 60-qa, jartylaı fınalda súringen Andreı Golýbev 71-den 65-ke kóterildi. A.Býblık 160-orynda qaldy.

Juptyq synda nıderlandyq Ýeslı Kolhof pen ulybrıtanııalyq Nıl Skýpskı birinshi oryndy bólisse, amerıkalyq Ostın Kraıchek úshinshi satyda.

Eske sala keteıik, budan buryn qazaqstandyq tennısshiniń Bosnııadaǵy týrnırdiń fınalynda utylyp qalǵanyn jazǵan edik.

Sondaı-aq qazaqstandyq jas tennısshiler Albanııadaǵy jarystyń jeńimpazy atandy.