«Qazaqstan temir jolynyń» laýazymdy qyzmetkerleri paramen ustaldy

NUR-SULTAN. QazAqparat – «Qazaqstan temir joly» kompanııasynyń laýazymdy qyzmetkerleri vagondardy kedergisiz ótkizý úshin para alyp kelgen. Bul týraly QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Jemqorlyq jaǵdaılary «QTJ» UK» AQ-ta da jıi kezdesedi. Ol kompanııadaǵy jekelegen jetekshiler vagondardy kedergisiz ótkizý uşin kásipkerlerden iri kólemde para alyp kelgen. Mundaı jaǵdaılardyń Almaty, ShQO, Qostanaı, Aqmola, Qyzylorda, Pavlodar oblystary men Shymkentte tirkeldi», - dedi spıker Agenttiktiń onlaın rejımdegi baspasóz máslıhatynda.

Onyń aıtýynsha jemqorlar ózderi uıymdastyrǵan qylmystyq jospardyń arqasynda edáýir baıyp alǵan.

«Para kólemi 100 myń teńgeden bastap 5 mıllıon teńgege deıin bolǵan. Bul isterde ondaǵan mıllıon teńgeniń jaǵdaılary tergelýde», - dedi Danııar Bekaıdarov.