«Qazaqstan Temir jolynyń» barlyq qyzmeti kúsheıtilgen rejimde jumys isteýde
«Temirjol bólimshelerinde apattyq brıgadalar jasaqtalyp, olar táýlik boıy kezekshilik etedi. Poıyz qozǵalysy qaýipsizdigi qatań baqylaýda tur»,-deıdi «QTJ» UK» AQ Magıstraldyq jeli dırektsııasynyń Atqarýshy dırektory B. Ýálı.
B. Ýálıdiń aıtýynsha, jylý júıelerine erekshe qadaǵalaý jasalýda. Qyzmet oryndarynda, ortalyqtandyrylǵan elektr beketteri, vokzal ǵımarattary, óndiristik ımarattarda jylýdy qalypty ustaý basty nazarda tur. Barlyq qyzmet túrlerimen baılanys turaqty júrgizilýde.
Rels dıagnostıkasyn júrgizý quraldary, rels túıispeleri, VL-10 jelilerine kúndelikti tekserý jasalýda. Óńirlerdegi barlyq temirjol kóliginiń qyzmetin turaqty ári qalypty júrgizý erekshe baqylaýda ustalynyp otyr.
Pavlodar magıstraldyq jeli dırektsııasynyń jetekshi ınjeneri B. Taılaqovtyń aıtýynsha, óńirdegi temirjol qyzmeti qalypty. 600 maman kún saıyn joldyń jaǵdaıyn tekserip júr. Pavlodarlyq temirjolshylar poıyz qozǵalysynyń qalypty bolýyn, kez kelgen tótenshe jaǵdaıdyń aldyn alýǵa barlyq tıisti sharalardy jasaýda.
Qostanaıda óńirdegi kásiporyndardyń temirjol salasynyń barlyq basshylarynyń táýlik boıǵy kezekshiligi qoıyldy. Qostanaı júk tasymaly bólimshesi dırektorynyń birinshi orynbasary A. Sharseıitovtiń aıtýynsha, stantsııalar, joldardy, bólimsheniń kásiporyndaryn baqylap otyrýǵa qosymsha kúsh tartyldy. Jol qaraýshylardyń kezekshiligi kúsheıtilgen rejimge kóshirildi.
Aqmola júk tasymaly bólimshesiniń bólim bastyǵy R. Býrataevtyń aıtýynsha,óńirde vagon paıdalaný, lokomotıv deposy, stantsııalarda barlyq sala boıynsha jaýapty mamandardyń táýliktik kezekshiligi uıymdastyryldy. Árbir eńbekker aýa raıy kúrt sýytqan kezdegi eńbekti qorǵaý sharalary jónindegi nusqamalyqpen tanysty.
Aqmola magıstraldyq jeli dırektsııasy da barlyq sharalardy qarastyrǵan.
«Qazirgi tańda 32 qar arshý men tazalaý tehnıkalary saqadaı saı tur. Dızel otyny, kómir qory jasaqtalǵan. Jylý qazandyqtary qalypty jumys jasap tur. Eńbekkerler qysqy arnaýly kıimdermen qamtylǵan. Joldaǵy túıisý jelileri, qurylǵylar, baǵyttaýysh burmalar tekserilip turady»,-deıdi qozǵalys qaýipsizdigi bóliminiń bastyǵy A. Erimbetova.
Semeı magıstraldyq jeli bólimshesiniń Zaşıta óńirinde aýanyń kúrt sýytýyna baılanysty Serebıansk, Zaşıta jol dıstantsııalary óz nysandaryn aýyq-aýyq tekserip tur. Belgilengen keste boıynsha Óskemen1- Rıdder, Óskemen-1 -Zyrıan, Óskemen 1- Shemonaıha fılıaldary men ýchaskelerinde kezekshilik uıymdastyrylǵan.
«Barlyq tehnıkalar maılanyp, saılanyp sapta tur. Barlyq qar arshý, tazalaý tehnıkalary, drezına, qalpyna keltirý men órt sóndirgish poıyzdary daıyn. Óńirdegi barlyq qurylymdar tótenshe jaǵdaıdy baqylaý ustap otyr»,-deıdi Semeı magıstraldyq jeli dırektsııasynyń Zaşıta óńiri boıynsha jetekshi ınjeneri A. Sembınov.