Qazaqstan temir joly júk tasymaldaý qunyn kótermek

NUR-SULTAN. QazAqparat – «Qazaqstan maı-toń maı odaǵy» qaýymdastyǵynyń prezıdenti Konstantın Nevzorov QR Aýyl sharýashylyǵy mınıstri Erbol Qarashókeevten azyq-túlik óndirýshilerin qoldaýdy surady, dep habarlaıdy QazAqparat tilshisi.

Konstantın Nevzorovtyń aıtýynsha, 27 tamyzda «QTJ – Júk tasymaly» AQ lokomotıvpen tartý qyzmetterine shekti baǵany kóterýge qatysty qoǵamdyq tyńdaý ótkizedi.

«Barlyq óndirýshiler meni qoldaıdy dep oılaımyn. Onyń azyq-túlik óndirýshilerine, ásirese áleýmettik mańyzy bar ónimderge taralýyn qalamas edim. Olar bul shyǵyndar aıasynda az soma dep esepteıdi. Biraq eger biz kásiporynnyń kiristiligi aıasynda qarastyratyn bolsaq, bul óte kóp bolady dep sanaımyn. Sondyqtan qoldaýdy suraımyn», - dedi ol mınıstrge elordalyq kásipkerlermen kezdesýi barysynda.

Óz kezeginde Erbol Qarashókeev aýyl sharýashylyǵy ónimderin óndiretin kásiporyndardy qoldaýǵa jáne aptanyń sońyna qaraı tıisti hat daıyndaýǵa ýáde berdi.