«Qazaqstan temir joly» UK» AQ basshylyǵynda aýys-túıister oryn aldy
B.Qamalıev 1960 jyly 13 qarashada Qaraǵandy oblysynda týǵan. 1982 jyly Qaraǵandy polıtehnıkalyq ınstıtýtyn «ınjener-qurylysshy» mamandyǵy boıynsha, 1996 jyly Qaraǵandy memlekettik ýnıversıtetin «marketıng jáne kommertsııa» mamandyǵy boıynsha, 2005 jyly Reseı Federatsııasy Prezıdenti janyndaǵy Reseı memlekettik qyzmet akademııasyn «menedjer» mamandyǵy boıynsha bitirgen.
2001-2006 jj. - Qaraǵandy avtomobıl joldary oblystyq basqarmasynyń bastyǵy, QR Premer-Mınıstriniń keńesshisi, QR Kólik jáne kommýnıkatsııa mınıstrligi Kóliktik ınfraqurylymdy damytý komıteti basshysy. 2006-2010 jj. - Qaraǵandy oblysy ákiminiń orynbasary, odan keıin Qaraǵandy oblysy ákiminiń birinshi orynbasary, «Saryarqa» áleýmettik-kásipkerlik korporatsııasy basqarmasynyń tóraǵasy. 2010-2014 jj. - QR Indýstrııa jáne jańa tehnologııalar vıtse-mınıstri, QR Kólik jáne kommýnıkatsııa mınıstri, QR Premer-Mınıstriniń keńesshisi. 2014 jyldyń mamyrynan - «QazAvtoJol» UK» AQ basqarma tóraǵasy. «Qurmet» ordenimen marapattalǵan. Sondaı-aq «Qazaqstan temir joly» UK» AQ basqarmasynyń sheshimimen kompanııanyń burynǵy vıtse-prezıdenti Ermek Qızatov «QazAvtoJol» UK» AQ basqarma tóraǵasy bolyp taǵaıyndaldy. Ermek Qızatov 1961 jyly 6 tamyzda Aqmola oblysynda dúnıege kelgen. Almaty temir jol kóligi ınjenerleri ınstıtýtyn temir jol qurylysy, joldar jáne jol sharýashylyǵy mamandyǵy boıynsha támamdaǵan.
Tselınnaıa temir jolynda, «Qazaqstan temir joly» RMK, «QTJ» UK» AQ basqarýshylyq qyzmetterde bolǵan. 2008 jyldyń sáýirinen «QTJ» UK» AQ vıtse-prezıdenti. «Qurmet» ordenimen marapattalǵan.