"Qazaqstan temir joly" tobyna kiretin kompanııalar satyp alǵan taýar men qyzmettegi qazaqstandyq qamtý 75 paıyzdy quraıdy

ALMATY. Jeltoqsannyń 11-i. QazAqparat /Erlik Erjanuly/ - "Qazaqstan temir joly" kompanııalar tobynda bıyl 693 mıllıard teńgeniń taýar men qyzmet túrin satyp alý jospary qarastyrylǵan. Ony ulttyq kompanııanyń vıtse-prezıdenıti Erik Sultanov búgin Almatyda ótken  "Memlekettik tapsyrys-2010" aktsııasy aıasynda ótken alqaly basqosýda aıtty,

  dep habarlaıdy QazAqparat.

"Qazaqstan temir jolynda" bıyl taýar men qyzmet túrlerin satyp alý josparyn  98 paıyzǵa ıgerý boljanýda. Onda qazaqstandyq qamtý 75 paıyzdy quramaq. Kompanııalar toby Almaty kásiporyndarymen 270 mıllıard  teńgeniń taýar men qyzmetine kelisim jasady. Onyń ishinde  taýar  óndirýshilermen - 5 mıllıard, al  basqa kásiporyndarmen 45 mıllıard teńgeniń kelisimshartyna qol qoıyldy", deıdi Erik Hamzauly. "Qazaqstan temir joly" UK" AQ vıtse-prezıdentiniń aıtýynsha, bıyl olar 52,6 mıllıard  teńge qarastyrylǵan 58 memorandým jasap,  50,9 mıllıard  teńgeniń kelisimsharttaryna  qol qoıǵan.