Qazaqstan temir joly konteınerlerdi tasymaldaýdyń jańa qyzmetin engizdi - A.Mamın

ASTANA. 7 qarasha. QazAqparat - Búginde biz bıznes ókilderi úshin konteınerlik tasymaldyń jańa qyzmetin usynyp otyrmyz.

Búgin Astanada bastalǵan «Qazaqstan - Jańa Jibek Joly» atty II Halyqaralyq kóliktik-logıstıkalyq bıznes forýmnyń plenarlyq májilisinde «Qazaqstan temir joly» ulttyq kompanııasynyń prezıdenti Asqar Mamın osylaı málim etti.

Onyń aıtýynsha, jańa qyzmettiń ereksheligi sol, endi poıyz quramy júktiń kólemine qaraı josparlanatyn bolady. «Ondaıda platformalar kelgenshe, konteınerlik partııany qurý jumysy atqarylady. Bul asa tıimdi. Sebebi poıyz quramyn qurý jumysyna ketetin ýaqyt únemdeledi. Oǵan qosa, platformalar uzaq ýaqyt boıy turyp qalmaıdy. Osynyń arqasynda temirjol qozǵalysyn ájeptáýir jeńildetýge múmkindik týady», - deıdi A.Mamın.